هەڵامەت یەکێکە لە نەخۆشییە ڤایرۆسییەکان کە توانای گواستنەوەی هەیە، بەڵام گرنگی نەدان بە تەندروستی جەستە و کەم خواردنی ئاو هۆکارن بۆ زوو باش نەبوون لە هەڵامەت.
ماڵپەڕی " msn" لە هەواڵێکدا ئاماژەی بە شەش هەڵە کردووە کە لەکاتی توشبوون بە هەڵامەت ئەنجام دەدرێت، ئەوانیش بریتین لە:
- وا خۆت دەرخەیت کە تووشی هەڵامەت نەبویت، ئەمەش وادەکات زوو چارەسەری پێویست وەرنەگریت.
- بڵاوبونەوەی ڤایرۆسی هەڵامەت، ئەم جۆرە نەخۆشییە لە ڕۆژی یەکەم و دووەمدا بە شێوەیەکی ئاسان توش دەبیت، بەڵام بەهۆی پشتگوێخستنی نەخۆشیەکە، وادەکات زوو بڵاوبێتەوە بە تەواوی جەستەدا.
- زۆر خواردنی ئەو دەرمانانەی تایبەتن بە نەخۆشی هەڵامەت، بەشێک لەو دەرمانانە کاریگەرییەکەی کەمە و تەنها کاتییە، بەڵکو هەندێکیشیان دەبنەهۆی گەشەکردنی بەکتریا لە جەستەدا.
- خواردنەوەی بڕێکی کەم لە ئاو و شۆربا، کاتێک توشی هەڵامەت دەبیت جەستە زیاتر پێوسیتی بە ئاوە، بەڵام لەکاتی توشبون بە هەڵامەت کەمتر توانای خواردن و خواردنەوەت دەبێت باشترە لەو کاتانەدا ڕێژەی ئاو و خواردنە شلەمەنیەکان زیاتربکرێت.
- بەردەوامبون لە جگەرەکێشان، لەکاتی توشبون بە هەڵامەت باشترە کێشانی جگەرە کەمبکرێتەوە چونکە سییەکان لەوکاتەدا ڕێژەی ئۆکسجین زیاتر سەرفدەکەن.
- پشتبەستن بە خواردنی دەرمان، بەبێ سەردانیکردنی پزیشکی پسپۆڕ.
ئ.ل
0 التعليقات:
إرسال تعليق